خلود بسيوني تكتب : شكرا طارق الملا

‎19/9/2015 يالا ونقول بسم الله علي فين يافندم علي الوزارة الوزارة ده احنا اتفرمنا من ٢٠١١ ل ٢٠١٥ معلش مش هنسبها تقع 
من ٢٠١١ ل ٢٠١٥ شغل فحت وردم انهيار اقتصادي خلل سياسي حظر تجوال ثورات ، أنا خايفة انزل الشارع ،الناس في بيوتها واخده عيالها في حضنها ، 
ماشي بس انتي ليه متقوليش ان ربنا اختارك ان تكوني جزء يمثل حتي جزء بسيط جدا في حماية بلدك ، 
ينفع يافندم امشي قبل الحظر تمام امشي ياخلود وهنبقي علي اتصال معايا اللاب توب ماتقلقش ، الحظر دخل اروح ازاي دلوقتي بلغنا أساميكم بالكارنيه بتاعكم هيعدوكم علشان تروحوا ، 
طب لو حد طخنا بالرصاص نكون موتنا شهداء عرفت ساعتها ان زي ما في أبطال علي الحدود فيه جنود خفية جوه بتشتغل علشان البلد متقعش احنا مش بنقول شعارات. واديself defense في العربية وازازة فيها فلفل اسود علشان لو حد هجم علي عربيتي . 
تامين وقود احتياجات كهرباء ، احتواء الشركاء والتفاوض معهم ووووووووووو اشتغلنا كتير قوي وكنا بنتشاهد كل يوم طب ناخد نفسنا شوية لا يجيي القرار ١٩/٩/٢٠١٥ بتكليف تاني من عند ربنا والله تعبنا معلش استحملوا حاضر . 
شغل شغل ضغط يارب كورونا وباء نقعد في بيتنا لا انزلوا هتسبوها تقع لا كمامات كل يوم نروح الشغل ماشيين في الشارع لوحدنا طب اشمعنا دول قاعدين مع اهاليهم وولادهم أنا خايفة أنا تعبت معلش استحملوا هتسبوها تقع ربنا اختاركم انتم 
حاضر مكملين ياالله تضخم ارتفاع الدولار حروب عالمية بلاد بتضرب في بعض 
اقف خليك مكانك رايح فين دوس وكمل شغلك احمي وحافظ علي حصيلة النقد الأجنبي وفر منتج آمن كهرباء حافظ علي اقتصاد من الانهيار ياالله 
١٩/٩/٢٠١٥ - ٢٤/٤/٢٠٢٤ تسع أعوام بمثابة ثلاثون عاما عمل في وضع سياسي واقتصادي مستقر 
١٣ عام ممكن يكون حدث فيهم اخطاء ولكن أكيد لم تكن عن عمد ولكنهم قصة كفاح طويلة تحمل حقيقي دون شعرات من التعب والضغط النفسي لا يعلمه إلا الله
شكرا لمعالي الوزير طارق الملا شكرا لكل قيادي صادق امين شكرا لكل زميل وزميلة شكرا لكل من نزل وصحي وعمل في تلك ١٣ عام عجاف ليكونوا اليوم موسم الحصاد وماضاع عند العبد فهو عند الله باق 🕊️🙏